Printer-Friendly PDF Version US Legal (8.5 x 14) Download Adobe Acrobat Reader

NAMATAY BA ANG DIYOS

PARA SA IYO?

---

Tanong: Ito ay hindi pangkaraniwang katanungan. Bakit kinakailangang mamatay ang Dios para sa akin?

Sagot: Ito ay sa kadahilanang ang Bibliya ang nagsasabing nang dahil sa kasalanan ng sanlibutan, lahat ng tao ay may karampatang kamatayan––– ang pangalawang kamatayan na walang hanggang kaparusahan:

Sapagka’t ang kabayaran ng kasalanan ay kamatayan;...

Mga Taga-Roma 6:23a

At nakita ko ang isang malaking luklukang maputi, at ang nakaluklok doon,nasa kaniyang harapan, ang lupa at ang langit ay tumakas; at walang nasumpungang kalalagyan nila.  At nakita ko ang mga patay, malalaki at maliliit, na nangakatayo sa harapan ng luklukan; at nangabuksan ang mga aklat: at nabuksan ang ibang aklat, na siyang aklat ng buhay: at ang mga patay ay hinatulan ayon sa mga bagay na nasusulat sa mga aklat, ayon sa kanilang mga gawa.  At ang kamatayan at ang Hades ay ibinulid sa dagatdagatang apoy. Ito ang ikalawang kamatayan, sa makatuwid ay ang dagatdagatang apoy.

Payahag 20:11,12,14

Ngunit ang Dios ay bumuo ng plano ng kaligtasan na kung saan ay naninindigan Siyang magligtas ng ilan (hindi lahat) sa kabuoan ng sangkatauhan, sa pamamagitan ng pag-ako ng kanilang mga kasalanan at mamatay sa halip na sila.  Siya ang naging kapalit.  Kagilagilalas, ang Mabuting Balita ng Bibliya ang nagpahayag na ang Dios ang magdala ng mga kasalanan ng ibang kilalang rebeldeng makasalanan at bayaran ang multang katumbas para sa bawat isang gugugol ng kawalang hanggan sa Impyerno: 

Sapagka’t kung, noong tayo’y mga kaaway ay pinakipagkasundo tayo sa Dios sa pamamagitan ng kamatayan ng kaniyang Anak …

Mga Taga-Roma 5:10a

Na siya rin ang nagdala ng ating mga kasalanan sa kaniyang katawan sa ibabaw ng kahoy, upang pagkamatay natin sa mga kasalanan, ay mangabuhay tayo sa katuwiran; na dahil sa kaniyang mga sugat ay nangagsigaling kayo.

1 Pedro 2:24

Ang Diyos (sa katauhan ni Cristo Jesus) ay pinarusan sa kasalanang katumbas para sa bawat isang gugugol ng kawalang hanggan sa Impyerno.  Ito ang kamatayang magtatakip para sa ibang bahagi ng sankatauhan, na Kanyang pinili, na ganapin ng lubos ang mga kahilingan ng Batas ng Diyos:

Siya’y makakakita ng pagdaramdam ng kaniyang kaluluwa at masisiyahan: sa pamamagitan ng kaniyang kaalaman ay aariing ganap ng aking matuwid na lingkod ang marami; at dadalhin niya ang kanilang mga kasamaan.

Isaias 53:11

Sa minsang ang kasalanan ay napagbayaran nang buo, mawawala ang posibilidad na ang mga tao ng Diyos ay tumanggap ng paghuhukom sa huling araw.  Pinalaya na sila sa kastigo ng batas:

Ngayon nga’y wala nang anomang hatol sa mga na kay Cristo Jesus.

Mga Taga-Roma 8:1

Tanong: Sa aking palagay, ito ay isang kahanga-hangang kaisipan upang pagnilaynilayin ang kamatayan ng Diyos at lalo na nang Kanyang maranasan ang Impyerno para sa ibang nilalang; pero bago pa ito, inaamin ko na hindi ko talaga alam kung mayroon ngang Diyos o wala.  Paano malalaman ng isang tao kung mayroon ngang Diyos?

Sagot:  Ang ibang tao ay naniniwalang walang Diyos; o kaya’y walang kasigurahan kung Siya’y buhay o hindi.  Datapuwat, ang  katunayan  ng  kung  mayroong Diyos  o wala  ay  hindi nakasalalay sa pananaw ng tao.  Ang Banal na Kasulatan ang nagsasabi na hindi maitatanggi na ang Diyos ay totoo:

Nang pasimula ay nilikha ng Dios ang langit at ang lupa.

Genesis 1:1

Ang mundo sa ating kapaligiran ay patuloy na nagpapatunay na mayroong Lumikha o Lumilikha na gumawa at nagpapanatili sa lahat ng bagay.  Ang kalikasan ay buong kalakasang ipinapahayag sa bawat isa sa atin na mayroong Panginoon na nasa likod ng lahat ng mga bagay:

Ang kalangitan ay nagpapahayag ng kaluwalhatian ng Dios; at ipinakikilala ng kalawakan ang gawa ng kaniyang kamay.  Sa araw-araw ay nagbabadya ng pananalita, at sa gabi-gabi ay nagpapakilala ng kaalaman. Walang pananalita o wika man; ang kanilang tinig ay hindi marinig.

Mga Awit 19:1-3

Nakita mo, sa ating kaloob looban bawat nilalang ay nakakaalam na mayroong Diyos; at alam din nila na mayroon silang problema sa Diyos na ito:

Sapagka’t ang nakikilala tungkol sa Dios ay hayag sa kanila; sapagka’t ito’y ipinahayag ng Dios sa kanila. Sapagka’t ang mga bagay niyang hindi nakikita buhat pa nang lalangin ang sanglibutan ay nakikitang maliwanag, sa pagkatanto sa pamamagitan ng mga bagay na ginawa niya, maging ang walang hanggan niyang kapangyarihan at pagka Dios; upang sila’y walang madahilan.

Mga Taga- Roma 1:19,20

Tanong:  Kailangan kong sumangayon sa iyo na habang nakakakita ako ng magagandang bulaklak at kahangahangang nilalang, naisip ko rin paminsan minsan na isang diyos ang gumawa ng lahat nang ito; pero kadalasan, ako ay nalilito sa tanong na, “Sinong diyos?” Maraming mga relihiyon ang umaangkin na ang kanilang diyos ang tunay.  Alin diyos ang tama?

Sagot:  Magaling ang iyong katanungan.  Ang sanlibutan is punong puno ng mga relihiyon at ng kani kanyang mga diyos, at marami sa kanilang mga palagay tungkol sa kanilang diyos ay magkakaiba.  Subalit ang Bibliya ay nagtuturo sa atin na nalalaman natin nang may kasiguruhan ang Isa at tanging tunay na Diyos: 

Ako ang Panginoon, at walang iba; liban sa akin ay walang Dios. Aking bibigkisan ka, bagaman hindi mo ako nakilala. Upang kanilang maalaman mula sa sikatan ng araw, at mula sa kalunuran, na walang iba liban sa akin: ako ang Panginoon, at walang iba.

Isaias 45:5,6

Kayo’y mangagpipisan at magsiparito; magsilapit kayong magkakasama, kayong mga nakatanan sa mga bansa: sila’y walang kaalaman na nangagdadala ng kahoy ng kanilang larawang inanyuan, at nagsisidalangin sa dios na hindi makapagliligtas. Kayo’y mangagpahayag, at mangagpasapit; oo, magsanggunian silang magkakasama: sinong nagpakilala nito mula nang mga unang panahon? sinong nagpahayag niyaon nang una? hindi baga ang Panginoon? at walang Dios liban sa akin: isang ganap na Dios at Tagapagligtas; walang iba liban sa akin.  Kayo’y magsitingin sa akin, at kayo’y mangaligtas, lahat na taga wakas ng lupa: sapagka’t ako’y Dios, at walang iba liban sa akin.

Isaias 45:20-22

Ang Bibliya ang nagpapahayag na si Jesu Cristo ang tanging maaaring Tagapagligtas:

Talastasin ninyong lahat, at ng buong bayan ng Israel, na sa pangalan ni Jesucristo ng taga Nazaret, na inyong ipinako sa krus, na binuhay ng Dios na maguli sa mga patay …  At sa kanino mang iba ay walang kaligtasan: sapagka’t walang ibang pangalan sa silong ng langit, na ibinigay sa mga tao, na sukat nating ikaligtas.

Mga Gawa 4:10a,12

Tanong: Sinasabi mo bang si Jesus ay Panginoon at Diyos?

Sagot:  Oo!  Ang Bibliya ay malinaw na nagtuturo na si Jesus ang Diyos ng Bibliya,  na ipinakita sa laman:

Nang pasimula siya ang Verbo, at ang Verbo ay sumasa Dios, at ang Verbo ay Dios.  At nagkatawang-tao ang Verbo, at tumahan sa gitna natin (at nakita namin ang kaniyang kaluwalhatian, kaluwalhatian gaya ng sa bugtong ng Ama), na puspos ng biyaya at katotohanan.

Juan 1:1,14

Tanong:  Hindi ba si Jesus ang tinatawag na “Anak ng Diyos”? At kung siya ay anak, kung ganun mayroong ama.  Ilan diyos mayroon?

Sagot:  Oo, tunay ngang si  Jesus ang tinatawag na “Anak ng Diyos”. Subalit, ang Bibliya ay nagpapahayag nang walang  duda na si Jesus ay walang hanggang Diyos.  Ang Bibliya ay nagtuturo rin na ang Ama ay walang hanggang Diyos. Ang totoo ay ang Katauhan ng Diyos ay masalimuot para sa ating mga tao (dahil tayo ay mga nilalang na may hangganan ang kaisipan) para intindihin ito: 

Sapagka’t sa kaniya’y nananahan ang buong kapuspusan ng pagka Dios sa kahayagan ayon sa laman.

Mga Taga Colosas 2:9

Nguni’t tungkol sa Anak ay sinasabi, Ang iyong luklukan, Oh Dios, ay magpakailan man; At ang setro ng katuwiran ay siyang setro ng iyong kaharian:

Hebreo 1:8

At ginawa tayong kaharian, mga saserdote sa kaniyang Dios at Ama; sumakaniya nawa ang kaluwalhatian at ang paghahari magpakailan kailan man. Siya nawa.

Pahayag 1:6

Ipinapahayag ng Diyos ang kanyang Sarili sa tatlong Katauhan, ngunit igingiiit niyang Siya ay natatanging Isang Diyos:

At ang Espiritu ang nagpapatotoo, sapagka’t ang Espiritu ay katotohanan.

1 Juan 5:7

Dinggin mo, Oh Israel: ang Panginoon nating Dios ay isang Panginoon.

Deuteronomio 6:4

Tanong:  Tila ikaw ay sumasangguni at tumutukoy mabuti sa Bibliya sa mga sinasabi mo, ngunit narinig ko na ang Bibliya ay isa lamang lumang aklat na naisulat ng tao?

Sagot:  Totoo ngang  ang  Bibliya ay isang matandang aklat, subalit ito ay kumpletong hindi wika ng mga tao.  Kumilos ang Diyos sa mga propeta upang maisulat ang mga salitang tuwirang nanggaling sa Kanyang bibig.  Sa ganitong paraan, ginamit ng Diyos ang mga tao bilang mamamahayag upang maisulat ang Kanyang pabalita sa sangkatauhan:

Na maalaman muna ito, na alin mang hula ng kasulatan ay hindi nagbuhat sa sariling pagpapaliwanag.  Sapagka’t hindi sa kalooban ng tao dumating ang hula kailanman: kundi ang mga tao ay nagsalita buhat sa Dios, na nangaudyokan ng Espiritu Santo.

2 Pedro 1:20,21

Ang lahat ng mga kasulatan na kinasihan ng Dios ay mapapakinabangan din naman sa pagtuturo, sa pagsansala, sa pagsaway, sa ikatututo na nasa katuwiran:

2 Timoteo 3:16

Sa gayong paraan, ang buong Bibliya ay Salita ng Diyos.  Bawat Salita ng Diyos ay dalisay at banal at maaring pagtiwalaan nang ganap.  Ang Bibliya ang kahuli-hulihang may kapangyarihan sa lahat ng ipinahayag nito.

Tanong:  Sabihin ko s iyo ang totoo, hindi ko talaga maintindihan––– dahil hindi naman ako masamang tao––– bakit kailangang mamatay ang Diyos para sa akin?

Sagot:  Ang kakilakilabot na katotohanan ay ang lahat ng tao ay nahulog sa kasalanan at nasira ang Batas ng Diyos.  Nakita mo, ayon sa Batas ng Diyos, ang Bibliya, lahat ng tao ay napakasama at makasalanan:

Silang lahat ay nagsilihis, magkakasamang nawalan ng kasaysayan; Walang gumagawa ng mabuti, wala, wala kahit isa.

Mga Taga-Roma 3:12

Ang puso ay magdaraya ng higit kay sa lahat na bagay, at totoong masama: sinong makaaalam?

Jeremias 17:9

Ang Diyos ay ganap, makatuwiran at banal––– Hinihiling Niya ang lubos na pagsunod sa lahat ng Kanyang mga utos.  Ang pagkabigong sumunod sa kahit isa ay sapat na upang magbigay Siya ng kahindikhindik  na kahatulan:

Sapagka’t ang sinomang gumaganap ng buong kautusan, at gayon ma’y natitisod sa isa, ay nagiging makasalanan sa lahat.

Santiago 2:10

Kung tayo’y tapat sa ating sarili, nararapat lamang na ating tanggapin na tayo’y (kasama ng ibang mga tao) nagksala:

Kung sinasabi nating tayo’y walang kasalanan, ay ating dinadaya ang ating sarili, at ang katotohanan ay wala sa atin.

1 Juan 1:8

Sapagka’t ang lahat ay nangagkasala nga, at hindi nangakaabot sa kaluwalhatian ng Dios;

Mga Taga-Roma 3:23

...ang kaluluwa na nagkakasala ay mamamatay.

Ezekiel 18:4b

Nakita natin kanina, na ang simulaing Biblikal ay, ang parusa sa kasalanan ay kamatayan; at ang kamatayang nasa isip ng Diyos ay ang ikalawang kamatayan ng pagdurusa nang walang hanggang sumpa sa Impiyerno.

Tanong:  Sa palagay mo, totoo bang itatapon ng Diyos ang tao sa Impiyerno?

Sagot: Oo. Ang kasalanan ay sukdulang sumusugat sa damdamin ng Diyos.  Ang kasalanan ay napakapangit para sa walang hanggan at banal na Diyos na karapat dapat lang na parusahan magpakailanman ang mga lumabag sa Kanyang Batas:

Sapagka’t may apoy na nagalab sa aking galit, At nagniningas hanggang sa Sheol, At lalamunin ang lupa sangpu ng tubo nito, At paniningasan ng apoy ang mga tungtungan ng mga bundok.

Deuteronomio 32:22

At ang mga ito’y mangapaparoon sa walang hanggang kaparusahan: datapuwa’t ang mga matuwid ay sa walang hanggang buhay.

Mateo 25:46

Tanong:  Sinasabi mo bang ang taong binigyan ng kahatulan ng Impiyerno ay kailangang  magdusa ng walang hanggan?

Sagot: Nakapanghihilakbot, sasabihin kong ang sagot ay oo! Ang Bibliya ay nagtuturo na kapag ang mga makasalanan ay nailagay sa Impiyerno, hindi na sila makakaalis. Ito ay walang hanggan:

Na maghihiganti sa hindi nagsisikilala sa Dios, at sa kanila na hindi nagsisitalima sa evangelio ng ating Panginoong Jesus:  Na siyang tatanggap ng kaparusahan, na walang hanggang kapahamakang mula sa harapan ng Panginoon at mula sa kaluwalhatian ng kaniyang kapangyarihan;

2 Mga Taga-Tesalonica 1:8,9

At kung ang kamay mo ay makapagpapatisod sa iyo, ay putulin mo: mabuti pa sa iyo ang pumasok sa buhay na pingkaw, kay sa may dalawang kamay kang mapasa impierno, sa apoy na hindi mapapatay.Na doo’y hindi namamatay ang kanilang uod, at hindi namamatay ang apoy.  At kung ang paa mo’y makapagpapatisod sa iyo, ay putulin mo: mabuti pa sa iyo ang pumasok kang pilay sa buhay kay sa may dalawang paa kang mabulid sa impierno. Na doo’y hindi namamatay ang kanilang uod, at hindi namamatay ang apoy.

Marco 9:43-46

Tanong:  Ang iyong pangungusap tungkol sa Diyos ay nakakabahala.  Akala ko ang mga Mananampalataya ay naniniwala sa mabait na Diyos na nagmamahal sa lahat. Ang Diyos ba ay kasindak-sindak tulad ng iyong paglalarawan?

Sagot:  Ang Diyos ay mapagmahal at  maawain; ngunit Siya rin ay banal at matuwid at pinapanatili Niya ang mga nilalang ayon sa Kanyang wangis na managot sa kanilang mga pagkakasala sa Kanyang Batas.  Ang tunay na mananampalataya ng Bibiliya ay mayroong pagnanais na paalalahanan ang iba, sapagkat karapat dapat lamang na katakutan ang Diyos:

Yamang nalalaman nga ang pagkatakot sa Panginoon, ay aming hinihikayat ang mga tao;…

2 Mga Taga-Corinto 5:11a

Ang Panginoon ay mapanibughuing Dios at nanghihiganti; ang Panginoon ay nanghihiganti at puspos ng kapootan; ang Panginoon ay nanghihiganti sa kaniyang mga kaaway, at siya’y nagtataan ng kapootan sa kaniyang mga kaaway.

Nahum 1:2

Sapagka’t ang Dios natin ay isang apoy na mamumugnaw.

Hebreo 12:29

Hindi kayo nangatatakot sa akin? sabi ng Panginoon: hindi baga kayo manginginig sa aking harapan, na naglagay ng buhangin na pinakahangganan ng dagat, sa pamamagitan ng pinakawalang hanggang pasiya, upang huwag makalampas? at bagaman maginalon ang kaniyang mga alon, hindi rin mananaig; bagaman ang mga ito’y nagsisihugong, hindi rin ang mga ito’y makaraan.

Jeremias 5:22

Ang palagay ng makangiti, maamo, masaya sa maraming tao ang ipinapakita ng maraming iglesia ngayon.  Ngunit ang palagay na iyan ay maling mali.  Si Jesu Cristo ay galit sa mga kasalanan ng sanlibutan at Siya ang mauupo sa hukumang trono sa huling araw upang hatulan ang mga masasama at ipahayag ang huling paghuhukom nang walang hanggan sa Impiyerno:

Ang Dios ay matuwid na hukom, Oo, Dios na may galit araw-araw.

Mga Awit 7:11

Sapagka’t siya’y nagtakda ng isang araw na kaniyang ipaghuhukom sa sanglibutan ayon sa katuwiran sa pamamagitan ng lalaking kaniyang itinalaga; na ito’y pinatunayan niya sa lahat ng mga tao, nang siya’y buhayin niyang maguli sa mga patay.

Mga Gawa 17:31

Sapagka’t tayong lahat ay kinakailangang mahayag sa harapan ng hukuman ni Cristo; upang tumanggap ang bawa’t isa ng mga bagay na ginawa sa pamamagitan ng katawan, ayon sa ginawa niya, maging mabuti o masama.

2 Mga Taga-Corinto 5:10

Tanong:  Nalalaman kong sa paliwanag na iyan, nais kong iwasan na hindi mapunta sa Impiyerno.  Ano ang aking gagawin upang hindi mapunta doon?

Sagot:  Kailangan mong maunawaan na ating kalagayan ay hindi maayos.  Dahilan sa ating mga kasalanan, hindi tayo makasunod nang maayos sa panawagan ng Mabuting Balita upang magsisi at maniwala.  Tayo ay mga patay sa espiritu at dahil doon walang kakayanan na gumawa ng bagay na magbibigay sa atin ng kaligtasan:

At kayo’y binuhay niya, nang kayo’y mga patay dahil sa inyong mga pagsalangsang at mga kasalanan:

Mga Taga-Efeso 2:1

…at hindi dahil sa mga gawang ayon sa kautusan: sapagka’t sa mga gawang ayon sa kautusan ay hindi aariing-ganap ang sinomang laman.

Mga Taga-Galacia 2:16b

Katunayan, ang Bibliya ay nagpapahiwatig na ang kaligtasan ay imposibleng makamit ng mga tao sa pamamagitan ng kanilang paraan.  Tanging Diyos lamang ang makakapagligtas sa isang makasalanan:

At nang marinig ito ng mga alagad, ay lubhang nangagtaka, na nagsisipagsabi, Sino nga kaya ang makaliligtas? At pagtingin ni Jesus ay sinabi sa kanila, Hindi mangyayari ito sa mga tao; datapuwa’t sa Dios ang lahat ng mga bagay ay mangyayari.

Mateo 19:25,26

Tanong:  Sinasabi mo bang ako ay papunta sa Impiyerno sa kabila ng aking mga ginagawa.  Wala na bang pag-asa?

Sagot:  Oo mayroon pang pag-asa.  Ang pag-asa ay nasa Diyos. Siya ang gagawa ng mga bagay sa pagliligtas sa iyo:

Datapuwa’t ang lahat ng sa kaniya’y nagsitanggap, ay pinagkalooban niya sila ng karapatang maging mga anak ng Dios, sa makatuwid baga’y ang mga nagsisisampalataya sa kaniyang pangalan: Na mga ipinanganak na hindi sa dugo, ni sa kalooban ng laman, ni sa kalooban ng tao, kundi ng Dios.

Juan 1:12,13

Walang taong makalalapit sa akin, maliban nang ang Amang nagsugo sa akin ang sa kaniya’y magdala sa akin; at siya’y aking ibabangon sa huling araw.

Juan 6:44

Tanong:  Hindi ko yata maunawaan nang malinaw paano maililigtas ng Diyos ang tao.  Sino sa mga iyon ang Kanyang kinahahabagan? At paano ako makakatanggap ng habag na ito?

Sagot:  Ang katotohanan, sapagkat walang magagawang kahit anong bagay ang tao upang iligtas ang sarili nito, naglahad ang Diyos ng planong kaligtasang naaayon sa pagpili.  Pumili Siya doon at dito, na nakabatay sa Kanyang angking kagustuhan.  Hindi ito dahil sa mabuting gawa ng tao kung bakit ito naliligtas, kundi ito ay ang natapos na gawain ng Panginoong Jesu Cristo na nagligtas sa kanya:

Ayon sa pagkapili niya sa atin sa kaniya bago itinatag ang sanglibutan, upang tayo’y maging mga banal at mga walang dungis sa harapan niya sa pagibig:  Na tayo’y itinalaga niya nang una pa sa pagkukupkop na tulad sa mga anak sa pamamagitan ni Jesucristo sa ganang kaniya, ayon sa minagaling ng kaniyang kalooban,

Mga Taga-Efeso 1:4,5

Ako’y hindi ninyo hinirang, nguni’t kayo’y hinirang ko, at aking kayong inihalal,…

Juan 15:16a

Sapagka’t ang mga anak nang hindi pa ipinanganganak, at hindi pa nagsisigawa ng anomang mabuti o masama, upang ang layon ng Dios ay mamalagi alinsunod sa pagkahirang, na hindi sa mga gawa, kundi doon sa tumatawag,   Ay sinabi sa kaniya, Ang panganay ay maglilingkod sa bunso.  Gaya ng nasusulat, Si Jacob ay inibig ko, datapuwa’t si Esau ay aking kinapootan.

Mga Taga-Roma 9:11-13

Sino ang magsasakdal ng anoman laban sa mga hirang ng Dios? Ang Dios ay ang umaaring-ganap.

Mga Taga-Roma 8:33

Tanong:  Ngunit   paano   ko   malalaman   kung ako   ay   isa   samga  pinili  ng Diyos o hindi?

Sagot:  Maaaring ikaw ay isa sa mga pinili ng Diyos o maaaring hindi––– tanging ang Diyos ang nakakaalam kung sino ang gusto Niyang iligtas; dahil ditto nararapat lang na iwanan natin ang katanungan ng pagpili sa kapangyarihan ng Diyos.  Datapuwat, maaari tayong lumapit sa Kanya sa panalangin.  Pinapahintulot ng Diyos na lapitan natin Siya nang may pagpapakumbaba (tinatanggap ang ating mga kasalanan at an gating katayuan sa ilalim ng Kanyang galit) nang sa gayon tayo ay makakahingi ng kapatawaran:

Datapuwat’t ang maniningil ng buwis, na nakatayo sa malayo, ay ayaw na itingin man lamang ang ka-niyang mga mata sa langit, kundi dinadagukan ang kanyang dibdib, na sinasabi, Dios , ikaw ay mahabag sa akin, na isang makasalanan.

Lucas 18:13

Magsilapit nga tayong may pagkakatiwala sa luklukan ng biyaya, upang tayo’y magsipagtamo ng awa, at mangakasumpong ng biyaya upang tumulong sa atin sa panahon ng pangangailangan.

Hebreo 4:16

Ang mga makasalanan ay dapat mahikayat ng Katauhan ng Diyos.  Siya ay Diyos ng kaawaan.  Ang pagdaing ng kaawaan ay karapatang pinahihintulutan ng Diyos sa atin. Gaya ng manghihimagsik na hinatulan ng kamatayan, maaari tayong magsumamo sa maluwalhating Hari ng Kalangitan upang tayong patawarin sa ating mga kasalanan (alang-alang lamang kay Cristo):

…hindi niya pinipigil ang kaniyang galit ng magpakailan man, sapagka’t siya’y nalulugod sa kagandahang-loob.

Micah 7:18b

At nang marinig niya na yao’y si Jesus na Nazareno, siya’y nagpasimulang magsisigaw, at nagsabi, Jesus, ikaw na anak ni David, mahabag ka sa akin.   At siya’y pinagwikaan ng marami upang siya’y tumahimik: datapuwa’t siya’y lalong sumisigaw, Ikaw na Anak ni David, mahabag ka sa akin.

Marco 10:47,48

Narinig ni Jesus ang paghingi ng awa ng bulag na pulubi at ipinagkaloob ang kanyang paningin. Ipinapaalam nito sa atin na si Cristo ay pinakamaawain at mahabagin sa mga makasalanan.

Tanong:  Ang pagmamakaawa ba ay maililigtas ako sa Impiyerno?

Sagot: Kailangan nating maging maingat.  Walang pormula para makamit ang kaligtasan.  Ito ay nasa Kanyang mga kamay lamang:

Sapagka’t sinasabi niya kay Moises, Ako’y maaawa sa aking kinaaawaan, at ako’y mahahabag sa aking kinahahabagan.

Mga Taga-Roma 9:15

Tanong: Sa palagay ko pupunta ako sa Diyos at hihingi ng awa. Gaano katagal sa palagay mo bago ako sagutin ng Diyos?

Sagot:  Hindi tayo maaring magtakda ng anumang hangganan sa Diyos, kaibigan.  Ang Diyos ay magliligtas ng isang tao (kung iyon ay Kanyang kagustuhan gawin) sa ano mang panahon at paraan:

Aking hinihintay ang Panginoon, hinihintay ng aking kaluluwa, at sa kaniyang salita ay umaasa ako.

Mga Awit 130:5

Mabuti nga na ang tao ay umasa at maghintay na tahimik sa pagliligtas ng Panginoon.

Mga Panaghoy 3:26

Narito, kung paanong tumitingin ang mga mata ng mga alipin sa kamay ng kanilang panginoon, kung paano ang mga mata ng alilang babae sa kamay ng kaniyang panginoong babae; gayon tumitingin ang mga mata namin sa Panginoon naming Dios, hanggang sa siya’y maawa sa amin.

Mga Awit 123:2

Kailangan nating maghintay sa Diyos upang gawin ang kaligtasan.  Ngunit, habang naghihintay ka sa Panginoon upang iligtas ka, alamin na ang kaligtasan ay agarang bagay.  Ito ay sa dahilang wala sa atin ang nakakaalam ng araw ng ating kamatayan.  Ang mga araw natin ay maaaring kakaunti na. Isa pa maraming mga tunay na mananampalataya ay natututo sa Bibliya na ang panahon ay lubos na umiikli para sa pagbabalik ng Panginoong Jesu Cristo at ang pagkawasak ng mundong ito:

Datapuwa’t darating ang araw ng Panginoon na gaya ng magnanakaw; na ang sangkalangitan sa araw na iyan ay mapaparam na kasabay ng malaking ugong, at ang mga bagay sa langit ay mapupugnaw sa matinding init, at ang lupa at ang mga gawang nasa lupa ay pawang masusunog.

2 Pedro 3:10

Tanong: Sa palagay mo, malapit na bang magwakas ang mundo?

Sagot:  Malaki ang probabilidad makikita natin sa sandaling panahon ang pagbabalik ng Panginoon:

Sapagka’t ang Panginoon din ang bababang mula sa langit, na may isang sigaw, may tinig ng arkanghel, at may pakakak ng Dios: at ang nangamatay kay Cristo ay unang mangabubuhay na maguli;  Kung magkagayon, tayong nangabubuhay, na nangatitira, ay aagawing kasama nila sa mga alapaap, upang salubungin ang Panginoon sa hangin: at sa ganito’y sasa Panginoon tayo magpakailan man.  Kaya’t mangagaliwan kayo sa isa’t isa ng mga salitang ito.

1 Mga Taga-Tesalonica 4:16-18

Tanong: Kailangan ko bang maghanap ng Kristiyanong iglesia at magsimulang dumalo sa mga gawain habang ako ay  naghihintay para iligtas ako ng Diyos?

Sagot:  Ganap na hindi.  Ang Diyos ay tapos na sa mga iglesia at mga pagtitipon sa mundo dahil ang panahon ng iglesia ay natapos na.  Tayo ay naninirahansa panahon ng malaking dilubyo na ang paghuhukom ng Diyos ay nasa lahat ng denominasyon–––kahit Catoliko o Protestante–––lahat ng iglesia saan man sa mundo ay nasa ilalim ng paghuhusga ng Diyos dahil sa pagkabigo nilang sumunod sa Salita ng Diyos:

Sapagka’t dumating na ang panahon ng pasimula ng paghuhukom sa bahay ng Dios:…

1 Pedro 4:17a

Sa katunayan inuutusan ng Diyos ang lahat ng Cristiyano saan mang dako na lumabas sa kanilang mga pinag-isang iglesia:

At narinig ko ang ibang tinig na mula sa langit, na nagsasabi, Mangagsilabas kayo sa kaniya, bayan ko, upang huwag kayong mangaramay sa kaniyang mga kasalanan, at huwag kayong magsitanggap ng kaniyang mga salot.

Pahayag 18:4

Ang Diyos ay hindi na nagliligtas ng sinuman na nasa loob ng iglesia ngayon. Samakatuwid ang huling lugar na nais puntahan ng isang Cristiyano ngayon ay ang iglesia.  Ngunit nagliligtas Siya ng napakaraming bilang ng tao sa labas ng mga iglesia sa ating kapanahunan:

Pagkatapos ng mga bagay na ito ay tumingin ako, at narito, ang isang lubhang karamihan na di mabilang ng sinoman, na mula sa bawa’t bansa at lahat ng mga angkan at mga bayan at mga wika, na nakatayo sa harapan ng luklukan at sa harapan ng Cordero, na nangadaramtan ng mapuputing damit, at may mga palma sa kanilang mga kamay;  At sinabi ko sa kaniya, Panginoon ko, Ikaw ang nakakaalam. At sinabi niya sa akin, Ang mga ito’y ang nanggaling sa malaking kapighatian, at nangaghugas ng kanilang mga damit, at pinaputi sa dugo ng Cordero.

Pahayag 7:9,14

Tanong:  Kung hindi ako nagtutungo sa isang Cristiyanong iglesia, samakatuwid paano ako makakakita ng kaligtasan?

Sagot:  Ito ay sa pamamagitan ng Bibliya na ang Diyos ay gumaganap ng Kanyang pagliligtas.  Kung ganun nanaisin nating magbasa ng Bibliya hanggat maaari.  Nagliligtas Siya ng bawat isa sa pamamagitan ng pakikinig ng Salita ng Diyos:

Ang espiritu nga ang bumubuhay; sa laman ay walang anomang pinakikinabang: ang mga salitang sinalita ko sa inyo ay pawang espiritu, at pawang buhay.

Juan 6:63

Kaya nga ang paniniwala’y nanggagaling sa pakikinig, at ang pakikinig ay sa pamamagitan ng salita ni Cristo.

Mga Taga Roma 10:17

Oh  gaanong  iniibig  ko  ang  iyong  kautusan!  Siya kong gunita buong araw.

Mga Awit 119:97

Sa pamamagitan ng pagbabasa ng Bibliya maaari nating malaman kung ang Diyos nga ay tunay na namatay  para sa ating mga kasalanan.  Naway magamit ng Diyos ang Banal na Kasulatan na inyong natunghayan sa babasahing ito upang kayo’y mapagpala ng Kanyang kaligtasan.

DGDFY.Tag.2007-05-22-web

---